|
Námskeið í haglabyssuskotfimi þriðjudaginn 15.sept - Vetraropnun |
|
|
|
|
Höfundur: Kristján Sturlaugsson
|
|
mánudagur, 14 september 2009 |
|
Námskeið í haglabyssuskotfimi verður haldið hjá Skotreyn þriðjudaginn 15. september kl. 17.
Þátttakendur mæta með eignin skot (28 gr. hámark) og byssur.
Æfingargjaldið er 2.000 kr. og tekur námskeiðið um 1. klst.
Skráning er á
Þetta netfang er varið fyrir ruslrafpósti, þú þarft að hafa Javascript virkt til að skoða það
Nú styttist í vetraropnun hjá Skotreyn. Samkvæmt núgildandi starfsleyfi Skotreynar er einungis heimilt að hafa opið á virkum dögum til kl. 20 eftir 15. september. Þriðjudagurinn 15. september verður því síðasti dagurinn í sumaropnun félagsins. Vetraropnun verður auglýst sérstaklega síðar.
|
|
|
Á krónhjartarveiðum í Skotlandi |
|
|
|
|
Höfundur: Sigmar B. Hauksson
|
|
föstudagur, 19 ágúst 2005 |
|
Skoski krónhjörturinn þykir með glæsilegustu veiðibráð Evrópu. Í
aldaraðir voru það aðeins aðalsmenn og óðalsherrar sem máttu stunda
krónhjartarveiðar. Eini þáttur alþýðunnar að þessum veiðum var að
fátækir bændur nældu sér af og til í hjört í matinn. Þessar veiðar
bændanna voru ekki litnar hýru auga af óðalsherrunum.
Veiðiþjófnaður var talinn hinn mesti glæpur og við þessum glæp voru
ströng viðurlög; jafnvel margra ára fangelsi. Margar sögur eru þó til
í Skotlandi af snjöllum veiðiþjófum sem aldrei voru gripnir. Þessir
kappar nutu mikillar virðingar meðal skoskrar alþýðu og eru margar
sögur, ljóð og lög til um kænsku þeirra og dirfsku. Veiðarnar sköpuðu
þó fjölmörg störf í dreifbýlinu. Á hverju óðali voru einn eða fleiri
veiðiverðir. Þeirra starf var að skipuleggja veiðarnar, fylgjast með
veiðidýrunum, eyða vargi og auðvitað að koma upp um veiðiþjófa. Þeir
sáu einnig um þjálfun veiðihundanna og hirðingu skotvopna.
Veiðiverðirnir sáu einnig um að ganga frá bráðinni og verka horn og
hausa sem stoppa átti upp.
|
|
Lesa meira...
|
|
|
Skotveiðar í Afríku – Namibíu |
|
|
|
|
Höfundur: Jóhann M. Bjarnason
|
|
fimmtudagur, 19 ágúst 2004 |
 Í júlí á síðastliðnu ári fór undirritaður til Namibíu á
villidýraveiðar eftir að hafa kannað verðlag og aðstæður víða í
Afríku. Namibía er mjög góður kostur fyrir skotveiðimenn þar sem þar er
mun ódýrara að stunda veiðar en t.d. í Suður–Afríku. Þetta hafa þó
nokkrir Íslendingar nýtt sér.
Fyrir þá sem áhuga hafa á skotveiðiferð til Namibíu og vilja fara með
eiginn riffil skal bent á nokkur atriði. Í fyrsta lagi þarf að hafa
samband við viðurkenndan aðila sem hefur leyfi stjórnvalda til að fara
með veiðimenn á veiðar. Þessi aðili sendir síðan „boðsbréf“ til
veiðimannsins þar sem fram kemur hvaða dýr hann óskar eftir að skjóta
og hvenær. Þá er sótt um útflutningsleyfi fyrir það eða þau skotvopn
sem ætlunin er að nota og þarf að fylgja boðsbréfið og
skotvopnaleyfi. Þegar farið er til Namibíu er fyrst flogið frá
Keflavík til Jóhannesarborgar og þaðan til Windhoek, sem er höfuðborg
Namibíu. Þegar farið er úr landi í Keflavík þarf að sýna
útflutningsleyfið og eins þegar komið er til baka. Þegar komið er til
Jóhannesarborgar og Windhoek fær veiðimaður skjal sem heimilar honum
notkun skotvopns í ákveðinn tíma í landinu, sem hann afhendir síðan við
brottför úr landinu.
|
|
Lesa meira...
|
|
|
Svartbjarnaveiðar í Kanada |
|
|
|
|
Höfundur: Haukur Snorrason
|
|
laugardagur, 19 ágúst 2000 |
 Bjarnaveiðar! Þetta hljómaði óneitanlega spennandi. Ekki síst hjá
okkur Íslendingum sem höfum mest fiðurfénað til veiða. Ég er búinn að
vera á kafi í þessu hefðbunda, gæsaveiðum, svartfugli, önd og rjúpu
og langaði virkilega í tilbreytingu. Hreindýr höfum við en ég hef
alltaf sett verðið fyrir mig, svo eru þetta hálfgerðar beljur sem
hafa aldrei heillað mig sem veiðimann, ekki nógu matsjó! En að skjóta
skógarbjörn hljómar allt öðruvísi, ég og björninn! Já, þetta er ég
til í!
|
|
Lesa meira...
|
|
|
Frá Dalvík til Minnesota - Fasanaveiðar |
|
|
|
|
Höfundur: Daniel Hilmarsson
|
|
laugardagur, 19 ágúst 2000 |
|
Þegar SKOTVÍS auglýsti ferð til Minnesota í okkar ágæta fréttabréfi
tók hjartað í okkur félögunum, allmikinn kipp. Það skildi sko ekki
henda annað árið í röð að við sætum heima. Enda varð sú raunin að þrír
af fjórum okkar sátu í makindum, í 30.000 fetunum skömmu síðar, eins og
sex ára strákar á leið í bíó í fyrsta sinn. En einn okkar varð að sætta
sig við að skoðaði gólfefni niður á Indlandi (og hefur enn ekki jafnað
sig).
|
|
Lesa meira...
|
|
|
|
Veiðar í útlöndum