Rætt við Arnfinn Jónsson, refaskyttu

Tófan hefur sennilega haft fasta búsetu hér á landi í 10.000 ár. Hún hefur því aðlagað sig einstaklega vel að íslenskri náttúru. Íslenski refurinn er um 2.5 - 4.5 kg. að þyngd. Læðan eign­ast um 5 yrðlinga að meðaltali. Ekki eru til neinar ábyggilegar upp­lýs­ing­ar um stærð íslenska refas­tofns­ins. Árlega eru veiddir um 5.500 refir hér á landi. Ekki er ósennilegt að í dag telji íslenski refastofninn um og yfir 12.000 dýr. Vanir veiðimenn telja þó að talsverður vöxtur hafi verið í stofn­inum undanfarin ár og því sé hann mun stærri en álitið er. Tófan á sér enga náttúrulega óvini aðra en mann­inn. Fljótlega eftir land­nám var farið að veiða refi hér á landi. Sauð­fjár­bændur hafa ávallt haft horn í síðu rebba. Árið 1295 voru samþykkt á Al­þingi lög þess efnis að sauð­fjár­bænd­um væri gert skylt að veiða refi. Í dag greiða sveitafélögin fyrir veidda refi. Þrátt fyrir mörg hundruð ára baráttu gegn refnum og að öllum hugsanlegum að­ferðum hafi verið beitt til að reyna að útrýma honum, hefur árangurinn ekki verið eins góður og menn hefðu viljað. Nú á dögum er að vísu ekki lengur talað um að útrýma refnum, heldur að halda stofninum í skefjum. Á Íslandi er fána veiðidýra fábrotin. Refa­­veið­ar geta verið spennandi og skemmti­legar. Skemmtilegast er að rekja spor refsins og veiða. Meðal þeirra veiðimanna sem náð hafa mikl­um árangri í þessum veiðum er Arn­finnur Jónsson, stjórnarmaður í Skotvís.