SKOTVÍS gerir úttekt á Gamin GPSmap 60CS

Ég var ákveðinn í að skrifa af reynslu­ um gripinn (Gar­min 60CS göngu GPS) og lagði því upp í lang­ferð. Ég tek það fram að spáin var góð, bjart veður og vindur 3-8 ms. „gæti þykknað upp síðdegis“. Nú skildu kann­aðar ókunnar slóðir með nesti og nýja skó eins og í ævintýrunum forðum. fiað sem mig grunaði ekki var að trölla­sögur og sögur um fjöregg sem ekki mætti glata yrðu að veruleika. Það kom semsagt í ljós að spáin var ekki alveg skotheld, tölurnar um 3 og 8 voru við­eig­andi, er óvart hefði átt að standa 38 m.s. (í hvið­um) á móti kom að ekki þykknaði upp síð­­degis því svo lágskýjað var strax að morgni að þykk­ara gat það ekki orðið. En frá spánni að blautum raun­veru­leik­an­um. Án tækis­ins hefði ég aldrei lagt upp í þessa ferð (enda farin til að kanna gripinn) en án þess hefði ég heldur aldrei komið heim, í skemmstu máli var um blind­flug að ræða í rokinu og rign­ing­unni á svæði þar sem ég hafði aldrei komið og myndi ekki þekkja aftur þó ég ætti lífið að leysa. Samt gat ég leyft mér að verða aldrei hrædd­ur nema um fellihýsið sem var niðri í byggð. Ég og fjöreggið vorum í góð­um málum, það lét mig vita hvar skyldi­ stíga niður fæti og hvernig mér gekk, hvað væri langt eftir á ákvörðunar­stað og hven­ær ég næði þeim áfanga mið­að við fyrri afköst. Tækið hélt mér sem sagt á beinu brautinni (sem hefur stund­um vafist fyrir fólki) og skemmti mér með vitn­eskju um örnefni staða sem ég reynd­ar sá aldrei. Það að tækið er vatns­helt nið­ur á 1. m. dýpi í 30 mín. sagði mér að það myndi að líkindum lifa mig og raf­hlaðan end­ist í 20 tíma við eðli­lega notk­un þann­ig að stuðið yrði fljót­lega meira í tæk­­inu en mér, enda auð­veldara að skipta um rafhlöðu í því en mér. En nánar um tækið.